തിളങ്ങികൊണ്ട് ഖത്തർ എയർവേസ്‌

ദോഹ: ലോകത്തിലെ ഏറ്റവും മികച്ച ഇന്റർനാഷണൽ എയർലൈൻ കമ്പനികളുടെ പട്ടികയിൽ ഖത്തർ എയർലൈൻ മൂന്നാം സ്ഥാനത്ത്. യു.എസ് ആസ്ഥാനമായുള്ള ലഗേജ് സ്റ്റോറേജ് കമ്പനിയായ ബൗൺസ് പുറത്തുവിട്ട 2023ലെ എയർലൈൻ റാങ്കിങ്ങിലാണ് ഖത്തറിന്റെ നേട്ടം. 7.50 സ്കോർ നേടി ഖത്തർ എയർവേയ്സ് മൂന്നാമതെത്തിയത്.

ഈ വർഷത്തെ ലോകത്തിലെ ഏറ്റവും മികച്ച 50 എയർലൈനുകളുടെ പട്ടികയാണ് കമ്പനി പുറത്തുവിട്ടത്. ലിസ്റ്റിൽ ഒന്നാമതെത്തിയത് ജപ്പാനാണ്. സിങ്കപ്പൂരിനാണ് രണ്ടാം സ്ഥാനം.

ഓൺ ബോർഡ് എന്റർടൈൻമെന്റ്, ഭക്ഷണം, സീറ്റ് കംഫർട്ട്, സ്റ്റാഫ് സർവ്വീസ് തുടങ്ങിയ കാര്യങ്ങളിൽ അഞ്ചിൽ 4 സ്കോർ നേടിയാണ് ഖത്തറിന്റെ നേട്ടം. മാത്രമല്ല -0.33 സ്കോർ നേടി ഏറ്റവും കുറഞ്ഞ ക്യാൻസലേഷൻ നിരക്കും ഖത്തർ എയർവേയ്സിനാണ്.