ഒട്ടനവധി കഥാപാത്രങ്ങളിലൂടെ മലയാളി മനസുകളിൽ സ്ഥാനം നേടിയെടുത്ത അഭിനയത്രിയാണ് പാർവതി തിരുവോത്ത്. ഔട്ട് ഓഫ് സിലബസ്, നോട്ടുബുക്ക്, വിനോദയാത്ര തുടങ്ങിയ സിനിമകളിലൂടെ അഭിനയത്തിലേക്ക് ചുവടുവച്ച് പാർവതി പിന്നീട് മലയാളത്തിന് പുറമേ മറ്റ് ഭാഷകളിലും അഭിനയിക്കുകയും നിരവധി ആരാധകരെ സ്വന്തമാക്കുകയും ചെയ്തു.
എന്നാൽ കുറച്ച് നാളായി സിനിമയിൽ നിന്നും ഒരിടവേള എടുത്തിരിക്കുകയാണ് താരം. എങ്കിലും സോഷ്യൽ മീഡിയയിൽ ഫോട്ടോഷൂട്ടും മറ്റും പങ്കുവെച്ച് സജീവമാണ് താരം.
ഇപ്പോഴിതാ പാർവതിയുടെ ഏറ്റവും പുതിയ ചിത്രങ്ങളാണ് ആരാധക ശ്രദ്ധ നേടുന്നത്. ഹെയർസ്റ്റൈലിൽ വരെ മാറ്റം വരുത്തി വമ്പൻ മേക്കോവറിലാണ് താരെത്ത കാണാൻ കഴിയുന്നത്.
തലമുടിയിൽ വരുത്തിയ മാറ്റം ഒന്നുമാത്രം മതി, പാർവതിയെ തിരിച്ചറിയാൻ പോലും സാധിക്കുന്നില്ല.
കണ്ടാൽ AI എന്ന് തോന്നിപ്പിക്കുമെങ്കിലും, ഇത് യഥാർത്ഥ മേക്കോവർ മാത്രമാണ്. മുഖത്തെ മേക്കപ്പും കണ്ണവത്തുമാണ് അത് കഴിഞ്ഞാൽ ശ്രദ്ധയാകർഷിക്കുക. കഴുത്തിൽ അണിഞ്ഞ നെക്ക്പീസ് ആണ് മറ്റൊന്ന്. ചിത്രങ്ങൾ ഇതിനോടകം വൈറലായി.
തമിഴിൽ ചിയാൻ വിക്രം നായകനാവുന്ന
തങ്കലാൻ' ആണ് പാർവതിയുടെ വരാനിരിക്കുന്ന ചിത്രം. പാർവതിയുടെ ഏഴാമത് തമിഴ് ചിത്രമാകും 'തങ്കലാൻ'. സ്വാതന്ത്ര്യത്തിനു മുൻപുള്ള ഇന്ത്യയാണ് സിനിമയ്ക്ക് ഇതിവൃത്തം. പാ രഞ്ജിത്ത് സംവിധാനം ചെയ്യുന്ന ചിത്രമാണ്.
