ബിഗ് ബോസിന്റെ ഏഴാം സീസണിന് വേണ്ടി കമൽ ഹാസൻ വരുമോ? ദിവസങ്ങളോളം ഇക്കാര്യത്തിൽ അഭ്യൂഹങ്ങളുണ്ടായിരുന്നു. എന്നാൽ അവതാരകനായി കമൽ തന്നെ വരുമെന്ന് സ്ഥിരീകരിക്കപ്പെട്ടിരിക്കുകയാണ്. കമൽഹാസൻ ബിഗ് ബോസ് അവതാരകനായി വരില്ലെന്നായിരുന്നു നേരത്തെ വന്ന റിപ്പോർട്ടുകൾ. എന്നാൽ ആളുകളുമായി ആശയവിനിമയം നടത്താൻ പറ്റുന്ന വേദിയായിട്ടാണ് ഞാൻ ബിഗ് ബോസിനെ കാണുന്നതെന്നായിരുന്നു കമലിന്റെ മറുപടി.
എന്നാൽ അവതാരക സ്ഥാനത്തേക്ക് കമൽ തിരിച്ചെത്തുമെന്ന് ഉറപ്പിച്ചതോടെ അദ്ദേഹത്തിന്റെ പ്രതിഫല കാര്യവും ചർച്ചയായിരിക്കുകയാണ്. റെക്കോർഡ് പ്രതിഫലമാണ് അദ്ദേഹം ആവശ്യപ്പെട്ടിരിക്കുന്നതെന്നാണ് റിപ്പോർട്ട്. കമൽഹാസൻ ആവശ്യപ്പെട്ടിരിക്കുന്നത് 130 കോടി രൂപ പ്രതിഫലമാണ്. തമിഴ് സിനിമാ ലോകം ഒന്നടങ്കം ഞെട്ടിയിരിക്കുകയാണ് ഈ റിപ്പോർട്ടിൽ. തമിഴ്നാട്ടിൽ ഒരു സൂപ്പർ താരത്തിന് പോലും 130 കോടി പ്രതിഫലമായി ലഭിക്കുന്നില്ല. ആ സമയത്താണ് കമൽഹാസൻ 130 കോടി ആവശ്യപ്പെട്ടിരിക്കുന്നത്.
എന്നാൽ ഇക്കാര്യത്തിൽ ഔദ്യോഗിക സ്ഥിരീകരണം വന്നിട്ടില്ല. വിക്രം സിനിമയുടെ വമ്പൻ വിജയത്തോടെ കമൽ പഴയ ജനപ്രീതി തിരിച്ചുപിടിച്ചിരിക്കുകയാണ്. ഇതും കൂടി കണക്കിലെടുത്താണ് ഇത്രയും വലിയ തുക ആവശ്യപ്പെട്ടതെന്നും റിപ്പോർട്ടുണ്ട്. അതേസമയം ബിഗ് ബോസ് ഏഴാം സീസണിന്റെ പ്രൊമോയും പുറത്തുവിട്ടിട്ടുണ്ട്. വലിയ പ്രതികരണമാണ് ഇതിന് ലഭിക്കുന്നത്. പുതിയ ലോഗോയും പുറത്തുവിട്ടതിലുണ്ട്.
നേരത്തെ ഇന്ത്യാ ടുഡേ കോൺക്ലേവിലായിരുന്നു ബിഗ് ബോസിന്റെ ഏഴാം സീസണിൽ അവതാരകനായി എത്തുമെന്ന് കമൽഹാസൻ അറിയിച്ചത്. വിജയ് ടിവിയിലും, ഡിസ്നി പ്ലസ് ഹോട്ട്റ്റാറിലുമാണ് ബിഗ് ബോസിന്റെ ഏഴാം സീസൺ സംപ്രേഷണം ചെയ്യുക. അതേസമയം കമൽഹാസൻ വമ്പൻ ചിത്രങ്ങളുമായി ഇപ്പോൾ സഹകരിക്കുന്നത്. നാഗ് അശ്വിന്റെ കൽക്കിയിൽ വില്ലൻനേരത്തെ ഇന്ത്യാ ടുഡേ കോൺക്ലേവിലായിരുന്നു ബിഗ് ബോസിന്റെ ഏഴാം സീസണിൽ അവതാരകനായി എത്തുമെന്ന് കമൽഹാസൻ അറിയിച്ചത്. വിജയ് ടിവിയിലും, ഡിസ്നി പ്ലസ് ഹോട്ട്സറ്റാറിലുമാണ് ബിഗ് ബോസിന്റെ ഏഴാം സീസൺ സംപ്രേഷണം ചെയ്യുക. അതേസമയം കമൽഹാസൻ വമ്പൻ ചിത്രങ്ങളുമായി ഇപ്പോൾ സഹകരിക്കുന്നത്. നാഗ് അശ്വിന്റെ കൽക്കിയിൽ വില്ലൻ വേഷത്തിൽ കമൽ അഭിനയിക്കുന്നുണ്ട്.
ഇതിനായി 25 കോടി രൂപയാണ് താരം പ്രതിഫലമായി വാങ്ങുന്നത്. ഇരുപത് ദിവസം ചിത്രത്തിനായി അനുവദിച്ചിട്ടുണ്ട്. ചിത്രത്തിൽ കുറച്ച് രംഗങ്ങളാണ് കമലിനുണ്ടാവുക. അതേസമയം രണ്ടാം ഭാഗത്തിൽ കൂടുതൽ റോളുണ്ടാവുമെന്നാണ് സൂചന. അതേസമയം ബിഗ് ബോസിന്റെ വിവിധ ഭാഷകളിലെ ഏറ്റവും ഉയർന്ന ശമ്പളമാണ് കമൽ വാങ്ങുന്നത്. തുടക്കത്തിൽ ആഴ്ച്ചയിൽ 12 കോടിയാണ് സൽമാൻ ഖാൻ ബിഗ് ബോസ് ഹിന്ദിക്കായി വാങ്ങിയത്. പിന്നീട് ഒരു എപ്പിസോഡിന് 25 കോടിയായി അത് മാറിയിരുന്നു.നിലവിൽ ഒരു എപ്പിസോഡിന് 43 കോടി രൂപയാണ് സൽമാൻ ഖാൻ പ്രതിഫലമായി വാങ്ങുന്നത്. ബിഗ് ബോസ് ഒടിടിക്കും താരം കൂടുതൽ ശമ്പളം വാങ്ങുന്നുണ്ട്. കന്നഡയിൽ കിച്ച സുദീപ് അഞ്ച് വർഷത്തേക്ക് 20 കോടിയാണ് വാങ്ങിയിരുന്നത്. പിന്നീട് അത് വർധിപ്പിച്ചുവെന്നും റിപ്പോർട്ടുണ്ടായിരുന്നു. മോഹൻലാൽ മലയാളത്തിൽ ഒരു എപ്പിസോഡിനായി 70 ലക്ഷമാണ് വാങ്ങുന്നതെന്ന് റിപ്പോർട്ടുണ്ട്. തെലുഗിൽ 15 കോടിയാണ് ആറാം സീസണിനായി നാഗാർജുന വാങ്ങിയത്.
