ന്റുപ്പൂപ്പാക്കൊരാനേണ്ടാർന്ന്

ഞാൻ വായിച്ചതിൽ വെച്ച് എനിക്ക് ഏറ്റവും പ്രിയപ്പെട്ട ഒരു പുസ്തകമാണ് ഇത്. വളരെ അതികം കൗത്തുക്കത്തോടെയാണ് ഞാൻ ഈ പുസ്തകം വായിച്ചത്.മുസ്ലിം സമുദായത്തിൽ നിലനിന്നിരുന്ന അന്ധവിശ്വാസങ്ങൾക്കെതിരെ ആഞ്ഞടിച്ച നോവലായിരുന്നു വൈക്കം മുഹമ്മദ് ബഷീറിന്റെ ന്റുപ്പുപ്പാക്കൊരാനേണ്ടാർന്ന്..! കുഞ്ഞുപാത്തുമ്മ ഒരു സാധാരണ ഗ്രാമീണ മുസ്ലിം പെൺകുട്ടിയാണ്. നിഷ്കളങ്കയും നിരക്ഷരയുമായ അവൾ നിസ്സാർ അഹമ്മദ് എന്ന വിദ്യാസമ്പന്നനും പുരോഗമന ചിന്താഗതിക്കാരനും പട്ടണത്തിൽ വളർന്നവനുമായ ചെറുപ്പക്കാരനുമായി പ്രണയത്തിലാകുന്ന കഥ പറയുന്ന ഈ നോവൽ നിരക്ഷരത അന്ധവിശ്വാസങ്ങൾക്ക് വളക്കൂറുള്ള മണ്ണാണെന്നു പഠിപ്പിക്കുകയും വിദ്യാഭ്യാസത്തിന്റെ ആവശ്യകതയെക്കുറിച്ച് വായനക്കാരെ ബോധ്യപ്പെടുത്തുകയും ചെയ്യുന്നു. മലയാളത്തിലെ പ്രഥമ സാക്ഷരതാ നോവലാണ് ന്റുപ്പുപ്പാക്കൊരാനേണ്ടാർന്ന്..! “മനോഹരവും ശുഭാന്തവുമായ ഒരു പ്രേമകഥയാണ് ഇതിലെ കേന്ദ്രകഥാംശം. നർമ്മരസത്തിന് യാതൊരു കുറവുമില്ല. യാഥാസ്ഥിതിക മുസ്ലിം സമുദായത്തിലെ ആചാരവഴക്കങ്ങൾ, വിശ്വാസങ്ങൾ, എന്നിവയെക്കുറിച്ചുള്ള പ്രതിപാദനങ്ങൾ ഒട്ടുവളരെയുണ്ട് ഈ ഗ്രന്ഥത്തിൽ. വർത്തമാനകാലത്ത് ജീവിക്കൂ എന്നതാണ് ഇതിലെ ആഹ്വാനം.” ഡോ. ആർ.ഇ.ആഷർ പറയുന്നു. മനോഹരവും ശുഭാന്തവുമായ ഒരു പ്രേമകഥയാണ് ഇതിലെ കേന്ദ്രകഥാംശം. നർമ്മരസത്തിന് യാതൊരു കുറവുമില്ല. യാഥാസ്ഥിതിക മുസ്ലിം സമുദായത്തിലെ ആചാരവഴക്കങ്ങൾ, വിശ്വാസങ്ങൾ, എന്നിവയെക്കുറിച്ചുള്ള പ്രതിപാദനങ്ങൾ ഒട്ടുവളരെയുണ്ട് ഈ ഗ്രന്ഥത്തിൽ. വർത്തമാനകാലത്ത് ജീവിക്കൂ എന്നതാണ് ഇതിലെ ആഹ്വാനം.” ഡോ. ആർ.ഇ.ആഷർ പറയുന്നു. മാമൂലുകളുടെ മഞ്ഞുമാമലയുരുക്കുന്ന തപ്തകിരണമാണ് ന്റുപ്പുപ്പാക്കൊരാനേണ്ടാർന്ന് എന്ന നോവലിലെ കുഞ്ഞുപ്പാത്തുമ്മയുടെ സ്നേഹം. 'ന്റെ കരളില് വേതന' എന്ന് തിരിച്ചറിഞ്ഞപ്പോൾ അറിയാതെ തിരിച്ചടിച്ച തീക്ഷ്ണതയാണ് 'കള്ളസ്സാച്ചി പങ്കയ്യേല എന്ന നിശ്ചയദാർഢ്യത്തിന്റെ നിറവ്. കുരുവിയോടും അട്ടയോടും കരകവിഞ്ഞൊഴുകിയ കാരുണ്യത്തിൽ കുതിർന്ന ഒരു മനസ്സിന്റെ ഈ പരിണാമത്തിന്റെ പിന്നിലെ ശക്തി സ്നേഹത്തിന്റെതായിരുന്നു. കൊമ്പനാന കുയ്യാനയിലേക്ക് കൂപ്പു കുത്തുമ്പോൾ മാമൂലിന്റെ മതിലുകൾ സ്നേഹത്തിന്റെ ഹിമപാതത്തിൽ തകരുകയായിരുന്നു.