🍁വാക പൂത്തയിടം🍁

Copyright protected @entetoolika (ഇഷ🍁)

ഗവണ്മെന്റ് ആർട്സ് ആൻഡ് സയൻസ് കോളേജ് എന്നാ ബോർഡ്‌ വായിച്ചു നിള കോളേജ് കോമ്പൗണ്ടിലേക്ക് കയറി.. ചുറ്റും ഒന്ന് കണ്ണോടിച്ചു... അതിൽ ആരെയും അറിയുന്നതായി കണ്ടില്ല അവൾ...ക്ലാസ്സ്‌ കണ്ട് പിടിക്കാൻ വേണ്ടി വേഗതയിൽ വരാന്തയിലേക്ക് കയറി...

അപ്പോഴാണ് അവിടെ കുറച്ചു കുട്ടികൾ നിൽക്കുന്നത് കാണുന്നത്.. കണ്ട മാത്രേ അത് സീനിയർസ് ആണെന്ന് മനസ്സിലായി... അവരെ കടന്ന് വേണം തനിക്ക് പോവാൻ... ഒരു റാഗിങ് പ്രതീക്ഷിച്ചു തന്നെ അവൾ പോയി....

അവരെ കടന്ന് പോയതും സമാധാനത്തിൽ നെഞ്ചത്ത് കൈ വെച്ച് തീർന്നില്ല... അപ്പോഴേക്കും പിന്നിൽ നിന്ന് വിളിച്ചു...

"താൻ ഏതാ ഡിപ്പാർട്മെന്റ്...?"

"കെമിസ്ട്രി..."

"ഓക്കേ..."

അതും പറഞ്ഞു അതിൽ ഒരേട്ടൻ എന്റെ നേർക്ക് ഒരു ബക്കറ്റ് നീട്ടി... കണ്ടപ്പോൾ തന്നെ മനസ്സിലായി എന്തോ പിരിവ് സംബന്ധിച്ച് ആണെന്ന്...

"എന്തേലും ഒക്കെ സംഭാവന ചെയ്യണം... നമ്മുടെ കോളേജിലെ ഒരു കുട്ടിയെ സഹായിക്കാൻ ആണ്...."

അപ്പൊ തന്നെ ബാഗിൽ കയ്യിട്ടു പരതി... കയ്യിൽ തടഞ്ഞ നൂറു രൂപയെടുത്ത് അതിലേക്ക് ഇട്ടു...

തനിക്ക് പുഞ്ചിരിച്ചു തന്ന അവർക്കും ഒരു ചിരി തിരിച്ചു നൽകി വേഗം ക്ലാസ്സിലേക്ക് നടന്നു...

ഒരു വിധം കുട്ടികൾ എല്ലാം തന്നെ അവിടെ എത്തിയിട്ടുണ്ടായിരുന്നു... നിള ആദ്യം കണ്ട ബെഞ്ചിൽ ചെന്നിരുന്നു.... അപ്പോഴേക്കും ക്ലാസ്സിലേക്ക് സർ കയറി വന്നു... സ്വയം പരിചയപ്പെടുത്താനും കുട്ടികളെ പരിചയപ്പെടാനും ഒക്കെ തുടങ്ങി...

❣️❣️❣️❣️❣️

ഇത് നിള... സരോവരത്തിൽ രാമകൃഷ്ണന്റെയും ഇന്ദ്രയുടെയും ഏക മകൾ...അച്ഛനും അമ്മയും ഡോക്ടർ ആണ്... അവർ ഇരുവരും പഠിക്കുന്ന സമയത്ത് തമ്മിൽ പ്രണയിച്ചു വിവാഹം കഴിച്ചവർ ആണ്... വീട്ടുകാർ എതിർത്തപ്പോൾ അവിടെ നിന്നും ഒളിച്ചോടി ഇവിടെ വന്നു താമസമാക്കി... അത് കൊണ്ട് തന്നെ പറയത്തക്ക ബന്ധുക്കൾ ഒന്നും തന്നെ ഇവർക്കില്ല...